Демократот Бил Клинтон во вториот мандат го избегна отповикувањето (импичмент) поради секс-скандалот со приправничката во Белата куќа Моника Левински и лажење на големата порота, но Сенатот го ослободи од одговорност.

...Конгресна комисија во петокот сослуша искази во случајот за отповикување на претседателот Буш...

...Бидејќи тоа е прв чекор во процедурата за импичмент, Комисијата нема да го разгледува барањето за отповикување на Буш, а ќе ја разгледа содржината на актот...

Често се среќава и преводниот еквивалент „импичмент“, но јас претпочитам да се користи македонско решение.

Суштината на терминот е да означи јавно обвинение на некој функционер, т.е. терминот ја опфаќа постапката со која законодавниот орган поведува постапка против лице одговорно за државна измама, корупција или друго тешко кривично дело. Јавното обвинение не значи и автоматско отстранување од функцијата (отповикување), туку тое е само првиот чекор за евентуално отстранување. Откако лицето ќе стане предмет на јавното обвинение, законодавниот орган спроведува постапка по која ако се докаже дека лицето е виновно, ќе биде отстрането од функцијата.